miércoles, 19 de diciembre de 2018

DÍAS DE NADAL

Ola familias!
Esta semana andamos todos os días de festexos! e o que nos gustan... :))

Onte tivemos no cole, gracias á ANPA, a súper actuación de PAKOLAS! Canto canto rockeamos!
Encantounos!

E hoxe, visitounos o coro de nenos e nenas do cole Fondo Nois, que viñan dirixidos polo seu súper profe Iván Vale. Quedamos coa boca aberta do ben que o fixeron!

GRAZAS NENAS E NENOS POR POÑER ESFORZO EN VISITARNOS E CANTARNOS! GRAZAS PROFE IVÁN! :)

Mañá esperamos a visita do Apalpador, e o venres é o noso gran día do Festival de Nadal, canto nos tarda!

 









Ademais, os verdes seguimos na aula gozando coa preparación do Nadal. Realizamos traballiños en distintas técnicas plásticas e axudámonos uns a outros, porque en equipo, todo é mellor!








miércoles, 12 de diciembre de 2018

MERCADO SOLIDARIO EN DOMUS VI

Mañá xoves 13 de decembro, celebrarase na residencia para a terceira idade Domus Vi de Viveiro un mercado solidario a favor de Cruz Roja, para o que diversas escolas da zona estivemos traballando duro. Será unha xornada de portas abertas de 11 a 13.30 e de 15.30 a 19.30 horas.

Na clase dos verdes, decidimos elaborar unhas campás de Nadal reciclando vasos de iogur.





Primeiro, forramos todos os vasiños con papel de periódico para que a pintura quedara ben fixada. Foi laborioso pero moi entretido!





Despois, pintamos e botamos purpurina, que tanto nos gusta!!
Quedaron súper chulas as nosas campás. Esperamos poder colaborar moito có noso traballo e animámosvos a visitalo!












martes, 11 de diciembre de 2018

CHEGARON AS POSTAIS!

Hoxe estamos moi ilusionados porque xa chegaron as postais do cole de Madrid.
Recibimos a carta moi ansiosos...tomamos tempo en ver os debuxos que nos enviaron todos os nenos e nenas, e encantounos o trasno con dedicatoria por detrais!

Sen dúbida, está a ser unha experiencia xenial, e seguiremos en contacto con este cole ao longo do curso, a través de cartas, vídeos...  Será estupendo coñecer nenos e nenas novos, e aprender moito deles, da súa cidade, e da súa escola!








lunes, 3 de diciembre de 2018

POSTAIS ENVIADAS!

Hoxe no cole recibimos a visita da carteira, que era avoa dun neno da clase dos azuis, quen nos fará chegar as nosas postais ao seu destino, o colexio San Carlos de Madrid!

As postais quedaron chulísimas, e escribimos en cada sobre o nome de cada destinatario. Os nenos e nenas estaban nerviosos e emocionados! :)))






Unha vez que escribimos a dirección de destino, chegou Marisa a carteira, para recoller os nosos sobres e envialos a Santiago. Explicounos que desde alí, cada sobre será enviado ao correspondente cole.
Nós estamos moi ansiosos e ilusionados por recibir as nosas felicitacións de Nadal!!

MOITAS GRACIAS AVOA MARISA !!!



martes, 27 de noviembre de 2018

INTERCAMBIO DE POSTAIS

Ola familias!

Hoxe no cole tivemos unha nova. Resulta que recibimos un correo electrónico dun cole de Madrid.

O nenos e nenas do colexio Villaverde queren facer un intercambio de postais de Nadal con nós, e tamén coñecernos un poquiño máis.

O primeiro que fixemos foi situar Madrid e Galicia no mapa, para ver o lonxe que estamos.





Despois, sorteamos os nomes dos peques das dúas clases para que cada neno e nena teña un destinatario. Gustáronnos moitos algúns dos seus nomes, como Rawan ou Nusaiba... 


E entón, puxémonos mans á obra... picamos, pintamos con pincel... e todo o que queda! Temos que facer unhas postais ben bonitas para felicitar o Nadal a cada neno e nena. Xa vos iremos amosando os resultados.
Ademais, vai vir ao cole unha carteira a recoller todas as nosas postais para que vaian directiñas ao cole Villaverde. 

Será toda unha experiencia!!!!!












lunes, 19 de noviembre de 2018

MAGOSTO

Ola, Ola!

Con un pouquiño de retraso déixovos algunhas fotos do ben que o pasamos no Magosto.
Foi un día fermoso, no que cal degustamos as castañas que nos asou o señor castañeiro no tren, bailamos todos xuntos ao son da música da asociación "Foles de Viveiro", choutamos, brincamos e cantamos todos ao unísono coplas tradicionais do Magosto. 

Unha delicia de día!














martes, 13 de noviembre de 2018

PRIMEIRA VISITA Á HORTA

Hoxe, aproveitando este solciño, saímos á horta para comezar coas primeiras plantacións. 

A profe Inés, coordinadora do programa Voz Natura, explicounos todos os pasos a seguir. Coa súa axuda iremos creando a nosa horta, vivenciaremos o ciclo de vida de moitas sementes e vexetais, e desfrutaremos probando os productos cultivados por nós. Unha marabilla!

Comezamos polos allos porros!